ទំនាក់ទំនងព័ត៌មាន និងផ្សាយពាណិជ្ជកម្ម Tel: 010 85 99 09 / 013 36 4444 / 071 551 3333 / 097 2 999968 Email: tynratha@gmail.com
0

ល្បែង​សង្វៀន​ប្រជល់មាន់ យូគី​នឹង​អាប៉ោង​ដុះ​ស្លែ​នៅ​ច្រកចូល​ដូង​ប្រាំពី​ដើម គ្មាន​សម្ថ​កិច្ច​ណា ហ៊ាន​បង្ក្រាប​ខ្លាច​បាត់​ចំណូល​របស់​ខ្លួន​!

(​ត្បូងឃ្មុំ​) ៖ បើ​និយាយ​ពី​បញ្ហា​ល្បែងស៊ីសង​ខេត្ត​ត្បូងឃ្មុំ មើលទៅ​ហាក់​មិន​ថមថយ​សោះ ដោយ​ដំណើរ​ទៅ​យ៉ាង​រលូន​ខណៈ​សមត្ថកិច្ច​ទទួលបាន​ផល​ប្រចាំខែ ។ បើទោះបី​ឧបនាយករដ្ឋមន្ត្រី​និង​ជា​រដ្ឋមន្ត្រី​ក្រសួង​មហាផ្ទៃ​សម្តេច ក្រឡា​ហោម ស​ខេង​ខំ​ស្រែក​យ៉ាងណាក៏ដោយ ។​

​ល្បែងស៊ីសង​ត្រូវបាន​គេ​ចាត់ទុកថា​ជា​បទល្មើស​មួយ​ដែល​មាន​ការព្រួយបារម្ភ​ពី​បញ្ហា​សន្តិសុខ​សុ​វត្តិភាព ដោយសារ​តែ​ល្បែង​ជាដើម​ចម​នៃ​អំពើ លួច ឆក់ ប្លន់ និង​កាប់សម្លាប់​ជាដើម ។​

​ជាក់ស្តែង​ប្រជាពលរដ្ឋ​បាន​រាយការណ៍​មក​ថា​ល្បែង​ជល់​មាន់ យូគី អាប៉ោង ចាប់ផ្តើម​ផ្ទុះឡើង​ទៀតហើយ ស្ថិត​នៅ​ចំណុច​ច្រក​ដូង​៧​ដើម ស្ថិតក្នុង​ភូមិ​ដា ឃុំ​ដា ស្រុក​មេមត់​ខេត្ត​ត្បូងឃ្មុំ ក្នុងនោះ​គឺ​មាន​មនុស្ស​២​នាក់ ដែលជា​អ្នក​ទទួលខុសត្រូវ ទី​១ ឈ្មោះ ហេង និង​ទី​២ ឈ្មោះ​លឹម​។​

​ពលរដ្ឋ​បាន​រាយការណ៍​ទៀតថា លោក​ហេង និង​លោក​លឹម​បាន​ដើរ​ប្រាប់​គេ​ថា បើក​ល្បែងស៊ីសង​ខុសច្បាប់​បាន​ទាល់តែ​មាន​ការអនុញាតិ​ពី​អាជា្ញធរ​មាន​សមត្ថកិច្ច​ខេត្ត​ដោយសារ លោក​ជា​មនុស្ស​មាន​ឥទ្ធិពល​អាច​និយាយ​ជាមួយ​ថ្នាក់លើ​បាន​(​ខេត្ត​) ។​

​ស្នងការ​នគរបាល​ខេត្ត​ត្បូងឃ្មុំ​លោក ឧត្តមសេនីយ៍ ប៉ែន​រ័ត្ន​និង​លោក​អភិបាលខេត្ត​ត្បូងឃ្មុំ​នៅ​ព្រឹ​ថ្ងៃទី​១០​ខែ​កុម្ភៈ​២០២០​អង្គភាព​សារព័ត៌មាន​យើង​មិន​អាច​ទំនាក់ទំនង​សុំ​ការបំភ្លឺ​បាន​ទេ ជុំវិញ​ចំណាត់ការ​បង្ក្រាប​ល្បែងស៊ីសង​។​

​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ​បាន​ដាស់តឿន​
​ក្រើនរំឭក​ថា​មាន​មតិ​ពី​ប្រជាពលរដ្ឋ​ស្ទើរតែ​គ្រប់​ទីកន្លែង​អំពី​សមត្ថកិច្ច​មិន​ព្រម​បង្ក្រាប​ល្បែងស៊ីសង​គ្រប់​ប្រភេទ​ជា​ថ្នូរ​នឹង​ការ​ដាក់​ខែ​យកប្រាក់​ពី​អ្នក​បើក​ល្បែង​។​ដូច្នេះ​ត្រូវ​ពង្រឹង​ក្នុង​ការបង្ក្រាប​ឡើងវិញ​ចៀសវាង​ការរិះគន់​នានា ។ រដ្ឋមន្ត្រីក្រសួង​មហាផ្ទៃ បាន​ថ្លែង​ក្នុង​ពិធី​ប្រកាស​ចូល​កាន់​មុខតំណែង​អភិបាលខេត្ត​ត្បូងឃ្មុំ​ថ្មី នា​ព្រឹក​ថ្ងៃទី​១៥​ខែវិច្ឆិកា​ឆ្នាំ​២០១៨​ថា​ល្បែងស៊ីសង​គ្រប់​ប្រភេទ​សុទ្ធតែ​ស្ថិត​នៅក្នុង​គោលនយោបាយ​ភូមិ​-​ឃុំ​មាន​សុវត្ថិភាព​។​រដ្ឋមន្ត្រីក្រសួង​មហាផ្ទៃ​បន្ថែមថា ដូច្នេះ​កុំ​មាន​ការរិះគន់​បន្តទៀត ត្រូវ​រួម​គ្នា​បង្ក្រាប ដើម្បី​ឲ្យ​ដូច​ទៅ​នឹង​គោលនយោបាយ​ភូមិ​-​ឃុំ​មាន​សុវត្ថិភាព ៕

Filed in: ដំណឹងស៊ើបអង្កេត, ព័ត៌មាន​សំខាន់ៗ

Recent Posts

Leave a Reply

Submit Comment
© 2020 យុវជនតេជោ | Techor Youth News. All rights reserved. XHTML / CSS Valid.