ទំនាក់ទំនងព័ត៌មាន និងផ្សាយពាណិជ្ជកម្ម Tel: 010 85 99 09 / 013 36 4444 / 071 551 3333 / 097 2 999968 Email: tynratha@gmail.com
0

ចៅហ្វាយខេត្ត​មណ្ឌលគិរី​បញ្ជា​ឲ្យ​សមត្ថកិច្ច​ទប់ស្កាត់​គ្រឿងចក្រ​ឈូសឆាយ​ដី​ព្រៃ​និង​កោះហៅ​អភិបាល​ស្រុក​អូររាំង​មក​សួរនាំ​!!!

ព័ត៌មាន​ពី​ខេត្ត​មណ្ឌលគិរី​- ស្រុក​អូររាំង​
​ចេញផ្សាយ​ថ្ងៃ​ពុធ​១៤​កើត ខែ​ស្រាពណ៍ ឆ្នាំ​កុរ ឯ​កស័ក ព​.​ស​.២៥៦៣ ត្រូវ​នឹង​ថ្ងៃទី​១៤​ខែ សីហា ឆ្នាំ ២០១៩!

​លោក សៀក មុន្នី ចៅហ្វាយស្រុក​អូររាំង​ដែល​ទើប​ប្រកាស​តែងតាំង​ថ្មី​ត្រូវបាន​មន្ត្រីរាជការ​ស្រុក​អូររាំង​មួយចំនួន​អះអាងថា អភិបាល​ស្រុក​រូប​នេះ​កំពុង​ឈូសឆាយ​ផ្លូវ​ក្នុង​ព្រៃ​មួយ​ខ្សែទទឹង​មិន​ក្រោម​២០​ម៉ែត្រ​ឈូស​កាត់​ព្រៃឈើ និង​ដើម​ស្រល់​រាប់​យ​រយ​ពាន់​ម៉ែត្រ ដោយ​មិន​បាច់​មាន​ការអនុញ្ញាត ពី​ក្រសួង ឬ​រដ្ឋបាល​សាលាខេត្ត​មណ្ឌលគិរី​នោះឡើយ​។​

​សកម្មភាព​ឈូសឆាយ​នេះ ស្ថិតនៅ​ភូមិ​ពូ​រ៉ាង ឃុំ​សែន​មនោ​រម្យ ស្រុក​អូររាំង ខេត្ត​មណ្ឌលគិរី បើ​តាម​ការលើកឡើង​ពី​មន្ត្រីរាជការ និង​សហគមន៍​នៅក្នុង​តំបន់​នេះ បានឲ្យដឹងថា ការ​ឈូសឆាយ​ធ្វើ​ផ្លូវ​កណ្តាល​ព្រៃឈើ​បែបនេះ អាច​ក្នុង​បំណង​ឈូសឆាយ​ទៅ​កន្លែង​ដី​របស់​ពួកគេ លួច​បោះបង្គោល​រំលោភ​យក​ដី​រដ្ឋ​មក​ធ្វើ​កម្មសិទ្ធិ​។​

​នៅ​ល្ងាច​ថ្ងៃទី​១៣ ខែ​សីហា ឆ្នាំ​២០១៩​នេះ អ្នកបើកបរ​គ្រឿងចក្រ​ឈូសឆាយ​អា​ប៊ុល បាន​ប្រាប់​ភ្នាក់ងារ​ព័ត៌មាន​ថា លោក សៀក មុន្នី ចៅហ្វាយស្រុក ជា​បញ្ជា​ឲ្យ​ឈូសឆាយ​ដី​ព្រៃ និង​ឈូសឆាយ​ដី​ព្រៃ ព្រមទាំង​ឈូសឆាយ​ដើម​ស្រល់​នេះ និង​មាន​ទីតាំង​មួយចំនួន​ទៀត​លោក សៀក មុន្នី ក៏​បញ្ជា​ឲ្យ​ឈូសឆាយដើម​ស្រល់​កប់​បំបាត់ភស្តុតាងផ​ង​ដែរ​។​

​ភ្លាមៗ​នោះ លោក​ចៅហ្វាយ​ខេត្តមណ្ឌលគិរី លោក ស្វាយ សំ​អ៊ាង បាន​កំពុង​បញ្ជា​ឲ្យ​នាយ​ខ័ណ្ឌ​រដ្ឋបាល​ព្រៃឈើ​មណ្ឌលគិរី លោក អ៊ុំ វណ្ណ​សុភៈ និង​លោក ហែម បូ​ណា​រ៉ែ​ល មេបញ្ជាការ​អាវុធហត្ថ​ខេត្ត ដឹកនាំ​កម្លាំង ចុះ​ឃាត់​ចាប់​គ្រឿងចក្រ​កំពុង​ធ្វើ​សកម្មភាព​នៅ​ទីតាំង​ខាងលើ និង​កោះហៅ​លោក សៀក មុន្នី ចៅហ្វាយស្រុក​អូររាំង មក​សួរនាំ​ជុំវិញ​បញ្ហា​នេះ​។​

​ចំពោះ​បញ្ហា​ខាងលើ​នេះ​ក្រុមការងារ​សារព័ត៌មាន​យើង​និង​ធ្វើ​ការតាមដាន​រឿង​នេះ​អោយបាន​គ្រប់​ជ្រុងជ្រោយ​ដើម្បី​ចុះ​ផ្សាយ​ជូន​ដល់​មហាជន​បាន​ជ្រាប​នូវ​លេខ​បន្តបន្ទាប់​។​

@- ធ្វើ​សេចក្ដីរាយការណ៍​ដោយ​
​អង្គភាព​សារព័ត៌មាន និង​គេហទំព័រ ” យុវជន​តេជោ​”(010859909)

Filed in: ដំណឹងស៊ើបអង្កេត, ព័ត៌មានជាតិ, ព័ត៌មាន​សំខាន់ៗ

Recent Posts

Leave a Reply

Submit Comment
© 2020 យុវជនតេជោ | Techor Youth News. All rights reserved. XHTML / CSS Valid.